Magtymguly Pyragynyň we medeniýet hem-da sungat işgärleriniň güni — Türkmenistanda her ýylyň 27-nji iýunynda örän dabaraly ýagdaýda bellenilip geçilýän iň esasy baýramçylyklaryň biridir.
Bu baýram türkmen halkynyň milli medeniýetine, sungatyna, edebiýatyna we şahyrlaryň soltany bolan Magtymguly Pyragynyň galdyran bahasyna ýetip bolmajak mirasyna goýulýan sarpanyň belent nyşanydyr.
 Magtymguly diňe bir şahyr däl, eýsem türkmen halkynyň agzybirligini, garaşsyzlygyny we bitewüligini ündän beýik akyldardyr. Onuň goşgulary türkmen medeniýetiniň we pelsepesiniň özenini düzýär.