Lebap welaýatynyň orta hünär okuw mekdepleriniň jemgyýetçilik başlangyçlary esasynda döredilen okuw - usuly geňeşiniň 2026-njy ýylynyň meýilnamasy boýunça Lebap welaýat ýörite sungat mekdebinde okuw usuly seminar geçirildi.

Seminaryň esasy maksady:

• Bilimiň hilini ýokarlandyrmak: Talyplaryň okuw sapaklaryna bolan gyzyklanmasyny we garaýyşlaryny döwrebap innowasion usullar arkaly ösdürmek.

• Tejribe alyşmak: Mugallymlaryň sapak geçiş usullaryny kämilleşdirmek we sapaklarda sanly bilim ulgamynyň mümkinçiliklerinden netijeli peýdalanmagy gazanmak.

• Terbiýeçilik işleri: Okuw amalyýeti bilen terbiýeçilik işlerini talabalaýyk we utgaşykly ýoretmek.

Maslahatlaşylan esasy ugurlar:

Sanlylaşdyrmak we innowasiýa: Okuw sapaklarynda interaktiw tagtalary, elektron gollanmalary we täze talyp-mugallym aragatnaşyk platformalaryny ulanmak.

Talyplaryň pikirlenişini ösdürmek: Ýaşlaryň diňe bir nazary bilimi däl, eýsem önümçilik we amaly başarnyklaryny, özbaşdak pikirlenip bilmek ukybyny kämilleşdirmek.

Usulyýet goldawy: Täze neşir edilen okuw kitaplaryny, usuly gollanmalary ders we amalyýet maksatnamalaryna dogry ornaşdyrmak.