Berkarar döwletiň täze eýýamynyň Galkynyşy döwründe parahatçylygyň, abadançylygyň, rowaçlygyň, dost-doganlygyň, durnukly ösüşiň ýurdy hökmünde dünýäde giňden meşhurlyk gazanýan eziz Watanymyzda Hormatly Prezidentimiziň belent sepgitleri nazarlaýan tutumly Maksatnamalarynyň üstünlikli durmuşa geçirilmeginiň ýurdumyzyň halkara abraýy barha pugtalanýar. Häzirki döwürde Türkmenistanyň bank ulgamyny ösdürmek we ony döwrebaplaşdyrmak wezipelerinden ugur alyp, welaýatymyzyň bank ulgamlarynda netijeli işler alnyp barylýar. Türkmenistanyň Kärdeşler arkalaşyklarynyň Lebap welaýat birleşmesiniň, Türkmenistanyň Merkezi bankynyň Lebap welaýat şahamçasynyň hem-de Lebap welaýat maliýe-ykdysady orta hünär okuw mekdebiniň gurnamagynda Türkmenabat şäherindäki pudaklaýyn kärdeşler arkalaşygynyň ilkinji guramalarynyň işewürleriniň gatnaşmagynda Türkmenistanyň Milli puly-manadyň dolanyşygy girizilmeginiň 32 ýyly mynasybetli "Türkmenistanyň döwrebap bank ulgamlary durnukly ösüşiň ýolunda" atly çäresi geçirildi.